Krystkonsert Koraalorkest Hymne m.m.f. grut Krystkoar

Koraalorkest HYMNE hâldt ek dit jier wer in grut krystkonsert yn de Martinitsjerke fan Snits op snein 22 desimber om 15.30 oere.

U.l.f. dirigint/saxofoanist Jan Brens sille orkest en Krystkoar wer âlde en nije lieten hearre litte. As solist by it koar sjongt tenor Mario van der Werf yn û.o. “O, holy night” en “Amen”. Fansels is der ek it mei elkoar sjongen yn it programma opnommen.

Koraalorkest HYMNE, dat no dik 10 jier yn Fryslân aktyf is, bestiet út 30 leden, dy’t fan 20 ferskate plakken út de provinsje komme. De besetting (brassband+saxofoons) is lykas it repertoire unyk yn de wrâld. Koralen, hymnes, licht-klassike wurken wurde spile yn arrangementen fan bekende komponisten en de dirigent.

Dit jier spilet HYMNE as “grut wurk” de “Fantaisie súr trois Noëls” fan de eartiids bekende komponist/dirigint Meindert Boekel. Kompleet mei slachwurk (drumstel en pauken) en klokkespul troch Sjoerd Osinga sil dit harmonieuze muzykstik út de 60-er jierren útfierd wurde.

It Krystkoar bestiet út leden fan it Súdwestkoar (70), oanfolle mei leafhawwers fan in 10-tal oare koaren út de regio. Op har programma steane û.a it “Adiemus” (Jenkins), “Born in Bethlehem”(Kirkland) en it “A la Berline Postiljon”(Herman van Veen) yn arranzjeminten fan Jan Brens. De lieten wurde yn in “Kerst-sing-in” fan sneon 14 des. ynoefene.

De tagong is fergees, wol is der by it útgean in kollekte om de ûnkosten te dekken.

Brief fan it bestjoer oan B&W fan SWF oer de nije subsydzjeregeling

Oan B&W fan de Súdwestfryslân,
Oan de hear A. B. Heemsbergen
Postbus 10.000
8600 HA Snits

Twellegea, 27 aug. 2013.

Underwerp: “Conceptregeling Amateurkunst, muziek”.
It bestjoer fan Koraalorkest Hymne, festigingsplak Snits, hat de boppeneamde nota besprutsen. Yn de ûndersteande punten fine jo it stânpunt fan it bestjoer oer dizze nota.
1. Om posityf te begjinnen: it bestjoer hat der gjin probleem mei dat 10% fan it totale subsydzjebedrach ynsetten wurdt foar fernijende aktiviteiten. Lêstich is it om te beoardieljen wat krekt under innovative aktiviteiten ferstien wurde moat. It liket ús bestjoer dêrom net ferstannich om in swierwagend advys fan de Femuza hjir foar yn te setten. De leden fan Femuza belanghawwene omdat se ôfurdige binne troch de eigen ferienings. Unôfhinklike adviseurs liket ús bestjoer hjir mear op syn plak.
2. De útstelde ferhâlding fan it restearjende bedrach fan trijekwart as basisbedrach en ien kwart foar de optredens is neffens ús ek in ridlike ferdieling. Dat korpsen dy’t in protte iepenbiere optredens ha wat mear krije as guon dy’t net folle konserten jouwe, kinne wy ek billikje. Der sil dan wol in goede en rjochtfeardige ferdielkaai fûn wurde moatte.
3. Us bestjoer hat wol prinsipiële beswieren tsjin de útstelde grins fan 30 leden. It liket der op dat hjir as útgongspunt Matth. 13:12 keazen is (yn de Steatenfertaling): “Want wie heeft, dien zal gegeven worden, en hij zal overvloediglijk hebben; maar wie niet heeft, van dien zal genomen worden, ook dat hij heeft”. Lytse korpsen ha deselde basiskosten as grutte korpsen: de dirigent en de sealhier sille foar beide net folle út inoar rinne, mar de kontribúsje-ynkomsten fan de grutten binne oanmerklik heger. Wy freegje ús ôf oft hjir net te folle keazen is foar it prinsipe fan de frije merk en grutskaligens. De lytsen moatte ferskuorrend har bêst dwaan om de saak draaiend te hâlden. Ut dat eachweid soe der krektlikefolle foar te sizzen wêze om de lytsen mear te jaan as de grutten. It kultuerbelied fan de gemeente is der dochs net oprjochte om mar inkele grutte korpsen oer te hâlden? As de leefberens fan de doarpen sa wichtich fûn wurdt dan soene op syn minst grut en lyts gelyk behannele wurde moatte. Kultuerbelied is mear as it modieuze ferhaal oer “outputfinansiering”. It wol der by ús bestjoer net yn dat dizze maatregel de muzykbeoefening yn Súdwestfryslân befoarderje sil mei syn grut tal doarpen. As der gjin korps mear is op in doarp hat de jongerein ek net de kâns dêr mei yn de kunde te kommen en sels it spyljen te learen en muzikant te wurden. Dêrom is de konklúzje fan it bestjoer fan Hymne om dy 75% lyk te ferdielen oer de orkesten dy’t in minmaal oantal repetysjes hâlde en in minimaal tal konserten op it programma hawwe. Dit liket ús bestjoer gjin rjochtfeardige ferdieling en wy binne der dêrom poer op tsjin.
Wy pleitsje hjir net foar ússels omdat ús orkest oan de goede kant fan de streep sit en allinne mar profitearje sil fan de útstelde ferdieling.
4. De 30-leden regel is om noch oare reden arbitrêr. Der binne in protte brass-bands yn Fryslân. In brass-band hat in fêst tal leden fan om-en-de-by 26. Dus falle dizze korpsen allegearre yn it lege taryf. As der dan dochs sa’n grins lutsen wurde moat dan soe 20 mear foar de hân lizze. Dat biedt yn elts gefal wat lucht foar de brass-band, mar dat is net de earste kar fan ús bestjoer lykas wy by 3 taljochte ha. Wy pleitsje foar in likense (en earlike) ferdieling.
Foar it bestjoer fan Koraalorkest Hymne,

J. van der Bij (skriuwer)
Lytse Súdein 55
8624 TS Twellegea.
0515-559597

Jubileumkonsert fan Hymne

Op 6 oktober 2013 om 16.00 oere sil koraalorkest HYMNE konsertearje yn de Martinitsjerke fan Boalserd. As gasten binne útnoege de bekende sopraan Judith Sportel út Hoogeveen en it Schevenings Mannenkoor û.l.f. Jimco Zijlstra.

Tsien jier lyn waard Koraalorkest Hymne oprjochte op inisjatyf fan dirigent/saksofoanist Jan Brens út Snits. Fia oproppen op Omrop Fryslân en yn it Sneeker Nieuwsblad kamen in 20-tal muzikanten út de hiele provinsje Fryslân nei it Bogerman College yn Snits foar de earste repetysje. Underwilens is de feriening útgroeid ta 30 leden, ôfkomstich út 20 plakken yn de provinsje.

It jubileumkonsert sil in oersjoch biede fan de muzykwurken út de ôfrCategoriënûne 10 jier. Yn diverse kombinaasjes sille sopraan, orkest en koar mei de eigen pianist/dirigent Jimco Zijlstra in spannend programma bringe. Jimco Zijlstra dirigearet HYMNE yn “St. Anna” yn in  arrangemint fan Jan Brens.

It Schevenings Mannenkoor sil yn ien wurk (“Dank sei Dir, Herr”) ûnder lieding stean fan de orkestdirigent. Ek sille de saksofoans ontinken krije yn in spesjaal foar it jubileum skreaun wurk. De lieten, dy’t it koar sjonge sil, binne foar it grutste part bewurke troch dirigint Jimco Zijlstra. Orkest, koar en Judith Sportel slute it konsert ôf mei de “Evening Song” (arr. Jan de Haan).

Kaarten à € 7 binne te krijen by de yngong fan de tsjerke (in kopke kofje of tee yn it skoft ynbegrepen).

Programma op 6 oktober:

1. HYMNE: “Deep Harmony” )—-trad./arr.Jan Brens (1^e muziekstuk 2003

2. Openingswoord Lammert Knobbe – voorzitter HYMNE

3. HYMNE:

a.“Der Mond ist aufgegangen”—arr. Jacob de Haan

b. “Licht dat ons aanstoot in de morgen”-arr.J.Brens (+Judith Sportel)

4. JUDITH SPORTEL (zang) en JIMCO ZIJLSTRA (piano)

(koorleden komen zingend op vanaf links vooraan in de kerk)

5. Schevenings Mannenkoor ( koorleden gaan zitten links vooraan in de kerk)

6. HYMNE:

a. “Graduale” – Anton Bruckner

b. “Peace like a river”—trad. (+ Judith Sportel)

c. “St. Anna”—arr. Jan Brens (o.l.v. Jimco Zijlstra !!)

d. ”Saxofoon-Hymne”-arr.Jan Brens (+Judith Sportel en Jimco Zijlstra)

————————-P A U Z E———————————–Skoft ————-

7. HYMNE:

a. “Meditation Divine Communion”                                                                                        b. “Meditation Spirit of the living God” —arr. Jan Brens

8. JUDITH SPORTEL (zang) en JIMCO ZIJLSTRA (piano)

(koorleden komen zingend op vanaf links vooraan in de kerk)

9. Schevenings Mannenkoor (koorleden gaan links vooraan weer zitten)

10. HYMNE:

a. Harre meine Seele – E. Ruh

b. uit Rode boekje nr. 124 (“Coventry Carol”)—koorleden komen op

c. “It Âldershûs”—arr.Jan Brens (+1 coupl. Schevenings Mannenkoor)

d. “Evening Song”- arr. Jan de Haan (+ Judith Sportel en koor)

11. Sluiting met daaropvolgend HYMNE: nr. 101 uit Rode boekje (“Stracathro”)

In donateurskonsert yn Dútslân

Wy mochten freed 25 maaie in konsert bywenje fan Musikferein Scharrel (Skarrel) yn Sealterlân. In “gemütliche” en fleurige jûn mei populêre muzyk. De foto’s litte sjen hoe’t se it by ús buorlju dogge.

Eefkes dûbelklikke mei de mûs op de foto en dan wurdt hy grutter!

It wûndermearke fan Joazef

Op snein 14 april om 15.30 oere wurdt yn de RK tsjerke fan it Hearenfean un bysûnder konsert jûn. Koraalorkest HYMNE en it80 leden tellende SÚDWESTKOOR út Snits, beide û.l.f. dirigent/saxofonist Jan Brens bringe it troch de dirigent makke wurk “It wûndermearke fan Joazef”. Mei ferteller Teo de Groot út Ljouwert, tenor/bariton Mario van der Werf út Snits en pianist Jan Moens út Luttelgeest musisearje koor en orkest yn fûgelflecht troch it libben fan Joazef út it âle testamint.

It muzykstik, dat ferline jier syn première hie yn Snits, foel der tige yn by in folle Eastertsjerke. It wurk duorret in oere. No’t it okkerdeis fergrutte poadium yn de Feanster RK tsjerke mear romte jout, lient de tsjerke him tige foar koar, orkest en solisten fan rom 110 leden. Teksten en arrangeminten foar koar en orkest binne fan Jan Brens.De meldijen binne foar it grutste part makke nei klassike komposjes. De meldij fan de yntro en dy fan it slotliet herinnerje oan de musical, dy’t makke is trochAndrew Lloyd Webber. Sjoerd Osinga uit Idskenhuizen spilet op de pauken en het klokkespul by it orkest.

De solopartijen fan Joazef, de Farao, de skinker en de bakker wurde troch Anne en Mario van der Werf vertolke. De djippe basstim fan Teo de Groot soarget foar de juste sfear yn de fertelteksten fan de komposisje. De trije solisten binne leden fan it FRIES MANNEN ENSEMBLE. Sjoch foar mear ynformaasje en de CD’s fan orkest en koar: www.koraalorkesthymne.nl, www.sudwestkoor.nl, www.friesmannenensemble.nl en www.janbrensdirigent.nl

De tagong is fergees. By it útgean is der in kollekte om de ûnkosten te dekken.

Hiel wat mânsk

Krystkonsert 2012

Koraalorkest Hymne

m.m.f.
“KRYSTKOAR 2012”
solosang Mario van der Werf
en Theo van de Logt
pianist/organist Jan Moens
algehiele muzikale lieding Jan Brens

snein 23 desimber 2012
yn de Martinitsjerke
te Snits
15.30 oere
Tagong fergees (kollekte)

Krystkonsert “Fries Mannen Ensemble” mei Judith Sportel en HYMNE

Op freed 14 desimber om 20.00 oere sil it Fries Mannen Ensemble yn de Martinitsjerke fan Boalsert syn krystkonsert hâlde. As gast treedt op de lanlik bekende sopraan Judith Sportel en koraalorkest HYMNE. De muzikale lieding is yn hannen fan dirigint/saxofoanist Jan Brens út Snits.

It ensemble, dat takom jier syn 1^e lustrum fiert, hat sa njonkenlytsen fia konserten, tsjerketsjinsten en oare optredens in protte wurdearring krigen. Der waarden twa CD’s makke; by de lêste hat ek Judith Sportel in grut oanpart hân. Alle opbringsten geane nei de famkesskoalle op Sri Lanka troch de stichting “Nobody’s Child”.  Leden en dirigint wurkje belangeleas mei oan alle repetysjes, optredens en andere aktiviteiten. Yn de takomst sil ek in part fan de jilden brûkt wurde foar stipe fan pleatslike “voedselbanken”.

Het repertoire fan it solistenkoar bestiet dizze jûn út û.o. inkele wurken út de “Messiah” fan Händel, it “Gloria” fan Vivaldi en fansels tradisjonele krystlieten.

In bysûnder wurk is “Still a Bach Christmas”. Earst sil in bewurking hjirfan troch HYMNE spile wurde, folge troch it Fries Mannen Ensemble, mei as trêde fariaasje de ferzje fan Judith Sportel. De measte bewurkingen binne fan de dirigint.

Sopraan Judith Sportel út Hoogeveen is ôfstudearre oan it konservatorium fan Swol. Bûten tsjerkelieten (bekend fan “Nederland Zingt”-EO),  bestiet har repertoire út klassike wurken, musikals en filmmuzyk. Oan ferskate konserten fan it FME en HYMNE hat Sportel  earder meiwurke. Dizze jûn sil hja yn ûnderskate kombinaasjes har soli hearre litte.

Koraalorkest HYMNE bestiet takom jier 10 jaar en hat troch har spesjale klank en programmakar in protte leafhawwers oan har bûn. By de lêste CD (al wer de 3^e) hat ek Judith Sportel har meiwurking jûn. HYMNE hat 30 leden út in 20-tal ferskillende plakken yn Fryslân. Eltse wike repetearret Hymne op moandei yn it Bogerman yn Snits en jierlijks binne der mear as 15 optredens. In protte stikken binne troch Jan Brens komponearre of bewurke. Nij is dizze jûn û.o. it “Cantique de Noël” fan A. Adam. Der binne ek wurken fan de Fryske komponist, Jacob de Haan, te beharkjen.

De begelieders op piano en/of oargel binne Jan Moens út Luttelgeest en Oeds Wijnsma út Ljouwert. De koarleden Anne van der Werf (op grutte oargel) en soan Mario sjonge en spylje tegearre “In de stilte van de nacht”.

De tagong by dit bysûndere konsert is fergees! Der wurdt wol in kollekte hâlden..

Kerst-sing-in

———————————————————————————————————————————-

Der binne noch inkele Bûsboekjes 2013

De redaksje fan it Bûsboekje, de iennigste Fryske aginda, dielt mei dat minsken dy’t noch graach in eksimplaar ha wolle der flot by wêze moatte. No’t Sinterklaas foar de doar stiet komt de boaium yn sicht. Wa’t syn holle noch brekt oer wat foar kadoke der dit jier betocht wurde moat kin noch terjochte op www.frysk-busboekje.nl/ of by 06 10586047.

Dit jier dûkt it Bûsboekje 2013 yn de wrâld fan de blaasmuzyk: de wrâld fan de minsken mei de grutte wangen en de folle lippen, de wrâld fan it glimmende koper en it tetterjende lûd, mar ek fan de dragende toan en de harmony; de wrâld fan konkoersen, kampioenskippen en kuierjende korpsen troch de strjitten. Foar guon in tiidferdriuw, foar guon in libbensfulling. Foar oaren in ûnbekende wrâld.

De redaksje is al wer drok dwaande mei it Bûsboekje 2014: regeare is foarút sjen. It tema foar dat jier is al fêststeld en de redakteuren wurde no oansocht.

———————————————————————————————————————————